Link açıqlığı

Saatnıñ esas haberi

Putin Zelenskıy ile körüşecekmi-yoqmı ayttı


Vladimir Putin
Vladimir Putin

Rusiye prezidenti Vladimir Putin iyünniñ 30-nda «canlı bağ» vaqtında Ukraina prezidenti Volodımır Zelenskıy ile körüşüv ğayesinden vazgeçmedi, amma, aytqanı kibi, «ne laf etilecegini añlamaq kerek».

«Zelenskıy memleketini tamamen tış idarege bergen soñ ne kerek körüşmege. Ukrainanıñ esas yaşayışı meseleleri Kyivde degil, Washingtonda, qısmen – Berlin ve Parijde çezile. Ne aqta laf etecekmiz. Men körüşüvden vazgeçmeyim, amma ne aqta laf etecegimizni bilmek kerek», – dedi Putin.

Ukraina prezidentiniñ ofisi Putinniñ böyle laflarına daa cevap bermedi.

Mayısnıñ 20-nde keçirilgen matbuat konferentsiyası Volodımır Zelenskıy Rusiye ve Ukraina eki prezidentniñ körüşüvini teşkil etmek içün muzakereler keçire, dep bildirdi.

Zelenskıy, Putinnen körüşmek kerek, çünki Rusiye liderinen dos-doğru laf etmesek, Donbastaki cenkni toqtatmağa imkânsız olur, dep ayttı.

Böyle bir körüşüv ihtimali aqqında aprelde aytıp, silâlı zıddiyet devam etken Donbasta körüşmege mümkün edi, dep qayd etken edi. Putin Zelenskıynı Moskvağa davet etti, bundan soñ körüşüv ihtimali açıq şekilde muzakere etilmegen edi.

Kremlniñ matbuat kâtibi Dmitriy Peskov Kyiv ve Moskva körüşüv imkânlarını muzakere etkenlerini inkâr etmey, amma «esnas qolay degil» ve şimdilik tek gipotetik vaqia aqqında aytıla, dep bildirdi.

Qayd etmek kerek ki, Kreml 2014 senesi Rusiye tarafından işğal etilgen Qırımnıñ territorial mensüplik meselesi muzakerege qapalı, dep çoq bildirgen edi.

XS
SM
MD
LG