Rusiye prezidenti Valdimir Putin, internette gençlerniñ areket tarzını ve istimalcı talaplarını muntazam sürette teşkermege akimiyetke buyurdı, dep bildire Radio Svoboda.
Kreml saytında derc etilgen vesiqada yazılğanına köre, bu malümat angi haber müiti yaşlarnıñ dünyabaqışınıñ şekillenüvine tesir etkenini bilmege akimiyetke yardım eter.
Kene şu vesiqada Putin, ticariy olmağan teşkilâtnıñ esasında koordinatsiya merkezini yaratmağa buyurdı. Bu merkez, yaşlarnıñ maneviy ve vatanperverlik terbiyelevi içün internet kontentni azırlaycaq.
Ükümet, buyruqlarnıñ becerilgeni aqqında esabatnı 2019 senesi dekabr 1-inece tapşırmağa kerek.
Qanun leyhasınıñ ilâvesine köre, 2020-2022 seneleri gençlerniñ "vatanperver terbiyelevine" 26 milliard ruble masraf etecek olalar. Olarda 800-er million ruble "gençlerniñ maneviy ve vatanperver terbiyelevi ve grajdanlıq identikliginiñ pekitilmesi içün internet kontentiniñ yaratılması ve tarqatılmasına" masraf etilecek.
