"Birincide, elbette, bu zarar ketire. Bu qoşma telükelerge sebeptir. Ekincide, elbette biz olarnı urıp tüşürecekmiz. Amma eñ esası olar cebedeki vaziyetni temelli deñiştiremecekler", - dep ayttı Putin.
O, Ukrayinağa ATACMS raketalarınıñ berilmesine "ABD-niñ nevbetteki hatasıdır" dedi.
Oktâbrniñ 17-nde ukrayin arbiyleri işğal etilgen bölgelerdeki Rusiye uçaq alanlarını ve silâ anbarlarını ateşke tutmaq ve yoq etmek içün ABD tarafından berilgen uzaq menzilli ATACMS raketalarını ilk sefer qullandı.
Oktâbrniñ 17-nde Ukrayina Mahsus ameliyat quvetleri Berdânsk ve Luganskta ameliyat keçirilgeni aqqında malümatnı tasdıqladılar. Bunıñ neticesinde RF doquz helikopter, olar içün mahsus tehnika, Ava mudafaa sistemasınıñ tertibatını, silâ anbarını ğayıp etken.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
