Link açıqlığı

Rusiye prezidenti Vladimir Putin Frenkistan prezidenti Fransua Hollande ile subetinde Ukraina separatistlerine onıñ tesiri olğanı ile razı oldı.

Bunı RTL teleradiokompaniyasına körüşüvde bulunğan Frenkistan çetel işler naziri Loran Fabius bildirdi, dep haber ete Deutsche welle.

Vladimir Putin ile körüşüvde Fransua Hollande Ukraina ile barışıqnıñ zaruriyeti aqqında laf yürsetti.

Putin, öz nevbetinde, bazı bir Rusiye tarafdarı olğan separatistlerge, belki de, tesiri ola bilecegini qayd etti. Faqat, bunıñ ile tesiri sıñırlı olğanını da aytıp keçti, dey Frenkistan çetel işler nazirliginiñ başı.

Bundan da ğayrı, Putin Lugansk ve Donetsk vilâyetleriniñ mustaqilligi aqqında referendumğa qarşı çıqqanını da ayttı, faqat o, episi bir, keçti.

Onıñ sözlerine köre, Putin ve Hollande Rusiye gazınıñ Ukrainağa ketirilüv meselesini de muzakere ettiler. Fabius qayd etti ki, eki prezident de «ğayet açıq sürette» subetleşti eken.
XS
SM
MD
LG