Eki lider zıddiyet devamlı barışıqnen yekünlenmeli dep, Washington ve Moskva arasında eki taraflama munasebetlerniñ eyileşmesi müim, dep razı oldı, dep aytıla Beyaz Saraynıñ subet neticeleri haberinde.
«Liderler barışıq areketi energetik ve infrastruktura ateş toqtatıluvından, em de Qara deñizde barışıqnen bağlı tehnik muzakereler, ateş toqtatıluvı ve daimiy barışıq tiklenüvinden başlanacaq, dep razı oldı», – dep aytıla haberde.
Subet vaqtında Yaqın Şarqta turğunlıq meseleleri ve strategik silâ tarqatılmaması muzakere etildi.
Beyaz saray, Amerika-Rusiye munasebetleriniñ eyileşmesi kelecek iqtisadiy işbirligi imkânlarını ve barışıq tiklengen soñ geopolitik istiqrar teminlevini aça, dep qayd etti.
Salı künü Trump ve Putin telefonda eki buçuq saat laf ettiler. Beyaz Saray memuriyetiniñ yolbaşçı muavini Daniel Scavino «subet yahşı keçti», dep bildirdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
