Link açıqlığı

Putin: Rusiyeniñ Qırımğa nisbeten areketleri doğrudır


Vladimir Putin dedi ki, Rusiyeniñ Qırımğa nisbeten areketleri doğrudır.

Peterburgda dünya malümat agentlikleriniñ reberleri ile olıp keçken körüşüvde Rusiye lideri şunı qayd etti ki, Rusiye Ukraina etrafındaki vaziyette Ğarp areketlerine doğru cevap berdi: Ukraina NATO azası olsa edi, Rusiye içün yañı bir vaziyet olacaq edi, aynı bu sebepten Moskva, Qırımnı Rusiyege qoşmaq muracaatı ceetinden de, belli bir areketlerge başladı, dep ayttı Putin.

«Bu yañı suvuq cenk başlanması olacağını tüşünmege istemeyim. Bir kimseniñ böyle bir istegi yoq, ve zanımca, böyle bir şey olmaycaq», – dep ayttı Rusiye prezidenti.
Cumaertesi künü Rusiye baş naziri Dmitriy Medvedev aynısını aytıp, Rusiye öz terkibine Qırımnı qabul etip, Ukrainağa nisbeten halqara şartlarını bozmağanını qayd etti.

Sergey Brilev ile «Vesti v subbotu» yayınında çıqışta bulunğan Medvedev dedi ki, 1994 senesine ait Budapeşt añlaşmasınıñ Rusiye kefilleri yalıñız Ukraina mustaqilligine zararnen bağlı edi.

Ukrainanıñ özek silâ tarqatılmaması aqqında Añlaşmasına qoşulmasınen bağlı telükesizlik aqqında Añlaşmağa binaen, Rusiye, AQŞ ve Büyük Britaniya Ukrainağa onıñ mustaqilligi ve sıñırlarını ürmet etmek, «topraq bütünligi ya da Ukrainanıñ siyasiy mustaqilligine qarşı küçnen ya da ondan faydalanıp havftan vazgeçmekni» tasdıqladılar.
Qırımnıñ Rusiyege qoşulğanından sebep ğarbiy memleketler ve uquq qorçalayıcılar Moskvanı Ukraina boyunca halqara añlaşmalar bozuluvında qabaatlaylar.
XS
SM
MD
LG