Rusiye prezidenti Vladimir Putinniñ dekabrniñ 5-nde bildirgenine köre, Rusiye «Qırım ile qaradan telükesiz bir yol temin etmeli». Bunı Putin Keriç köprü ziyareti vaqtında ayttı, dep bildire TASS Rusiye haber agentligi.
«Ebet, bundan ğayrı, Qırımnen qaradan telükesiz bir yol temin etmelimiz… İş yapıldı, bilem, 300 km çoq bir marşrut», – dep ayttı Putin Rusiye baş nazir muavini Marat Husnullin ile laf etkende.
Berilgen malümatqa köre, Husnullin Putinge «Rostov vilâyetine (Rostov) qadar marşrut 381 km ola. Onıñ aytqanına köre, bu yol (Rusiye ordusı işğal etken Ukrayına topraqlarından keçe – QA) Keriç köprüniñ tamir etilüvi içün kerek olğan yük taşıması içün qullanıldı».
Rusiye prezidentiniñ matbuat hızmeti dekabrniñ 5-nde Putin patlav ve yanğından soñ tamir etilgen Keriç köprüniñ maşina yolundan keçti, dep bildirdi.
Oktâbrniñ 8-nde saba Qırım köpründe patlav oldı. Rusiye tahqiqatçılarınıñ versiyasına köre, yük maşinası patladı. Neticede eki maşina yolu zarar kördi, patlav sebebinden ya da aynı vaqıtta köpürniñ tren yolundan ketken yük treni yanıp başladı. Başta üç ölü, soñra patlavnıñ dört qurbanı aqqında haber etildi.
Rusiye prezidenti Vladimir Putin bu patlavnı «terakt» dep adlandırdı, onıñ icracıları ve sımarış etkenler Ukrayina mahsus hızmetleri ola. Rusiye Tahqiqat komiteti Rusiye Ceza kodeksiniñ 205-inci maddesine («Terrorizm») istinaden cinaiy dava açtı.
Ukrayına prezidenti Volodımır Zelenskıy Kyiv köpürdeki patlavnı «sımarlamadı», dep bildirdi.
Ukrayına Baş istihbarat idaresiniñ spikeri Andrey Yusov Rusiyeniñ Keriç köpründe patlav tahqiqatını «saçmalıq» dep adlandırdı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
