Link açıqlığı

Saatnıñ esas haberi

Putin Qırım ve Aqyarnı martnıñ 18-nde ziyaret etecek


Vladimir Putin Aqyarda. Arhiv fotoresimi
Vladimir Putin Aqyarda. Arhiv fotoresimi

Rusiye prezidenti Vladimir Putin martnıñ 18-nde işğal etilgen Qırım ve Aqyarnı ziyaret etip, yarımada işğaliniñ beşinci yılına bağışlanğan tedbirlerde iştirak etecek, dep bildire Kremlniñ matbuat hızmeti.

«Devlet yolbaşçısı Balıqlava issilik elektrostantsiyasınıñ ve video konferentsiyası vastasınen Taman issilik elektrostantsiyası ve Tamandaki «Port» ast stantsiyasınıñ işke tüşürilmesinde iştirak etecek. Aqyarda prezident 1854-1855 seneleri şeerni mudafaa etkenlerniñ hatıra kompleksi ve 1941-1944 seneleri «Malahov kurganını» baqacaq», – dep aytıla haberde.

Şu künü, matbuat hızmetiniñ qayd etkenine köre, Putin Aqmescitte Qırım ve Aqyar cemaatçılığınıñ vekillerinen körüşip, Qırım ve Aqyar ilhaqınıñ beşinci yılına bağışlanğan merasimlerde iştirak etecek.

Rusiye prezidentiniñ matbuat kâtibi Dmitriy Peskovnıñ bildirgenine köre, Putin Qırım ilhaqınıñ beşinci yılını qayd etüv merasimlerinde iştirak etecek.

Martnıñ 15-nde Aqmescitte Rusiyeniñ Qırım ilhaqınıñ beşinci yılı munasebetinen «resmiy tedbirler» keçirildi. Tedbirlerde Qırım ükümetiniñ Rusiye yolbaşçısı Sergey Aksenov, Qırımnıñ Rusiye parlamentiniñ spikeri Vladimir Konstantinov, Rusiye Devlet dumasınıñ deputatı Natalya Poklonskaya, Rusiye Devlet dumasınıñ spikeri Vâçeslav Volodin, Rusiye Devlet dumasınıñ deputatları iştirak etti.

Ukraina Tış işler nazirligi Rusiyege Vâçeslav Volodin reisligi altında Devlet dumasınıñ Rusiye eyyeti ve Rusiye ükümeti azalarınıñ işğal altındaki Qırım ziyaretinen bağlı narazılıq notasını bildirdi.

2014 senesi martnıñ 16-nda Qırım ve Aqyarda yarımada statusınen bağlı dünyada tanılmağan «referendum» olıp keçti, onıñ neticesinde Rusiye Qırımnı öz terkibine aldı. Ukraina, Avropa Birligi, ABD «referendumdaki» rey neticelerini tanımadı. Rusiye prezidenti Vladimir Putin martnıñ 18-nde Qırımnıñ Rusiyege «qoşulğanını» ilân etti.

Halqara teşkilâtlar, Qırımnıñ işğali ve ilhaqını qanunsız tanıp, Rusiyeniñ areketlerini takbih ettiler. Ğarp devletleri bir sıra iqtisadiy sanktsiyalarnı qullandı. Rusiye, yarımadanı işğal etkenini inkâr etip, buña «tarihiy adaletniñ tiklenmesi», dey. Ukrainanıñ Yuqarı Radası 2014 senesi fevralniñ 20-ni, Rusiye tarafından Qırım ve Aqyarnıñ muvaqqat işğali başlağan künü olaraq resmen ilân etti.

XS
SM
MD
LG