Rusiye prezidenti Vladimir Putin İçki İşler Nazirligi, Cezalarnı icra etüv federal hızmeti ve Fevqulâde vaziyetler nazirliginiñ bir qaç başını işten boşattı, ve küç organlarınıñ bir qaç reberini tayinledi, şu cümleden Qırımda da.
Böyle qarar çarşenbe künü, dekabr 25-inde Rusiye uquq malümatı intternet portalında derc etildi.
Putin, Qırım ve Aqyar boyunca Rusiye Tahqiqat komitetiniñ idaresiniñ birinci baş müavinini olaraq Vladimir Terentyevni tayin etti.
Terentyev bu idareniñ başını vazifelerini, müessiseniñ reberi Mihail Nazarov 2019 senesi sentâbrde istifağa çıqqanından soñ becere.
Açıq menbalardan belli oldı ki, Terentyev Rusiye organlarında deyerli 20 yıl çalışa. 2018 yılında o Krasnodar ülkesinden ilhaq etilgen Qırımğa iş tayininen köçti.
