Link açıqlığı

Putin Qırım işleri nazirligini meydanğa ketirdi


Rusiye Federatsiyasınıñ prezidenti Volodımır Putin Qırım işleri Nazirligini meydanğa ketirüv aqqında emirni imzaladı ve onıñ reberi vazifesine Oleğ Savelyevni tayin etti.

Qırımnıñ qanunsız akimiyetiniñ sesi olğan «Krıminform» haber agentliginiñ malümatına köre, bunı bugün Rusiye baş naziri Dmıtro Medvedev ükümetniñ Qırımda ötkerilgen toplaşuvında bildirdi.


Agentlik bergen tercimeiyal malümatına binaen, Oleğ Savelyev 1965 senesi oktâbrniñ 27-de Leningradda dünyağa keldi. Soñki bir qaç yıl devamında Rusiye İqtisadiyat inkişafı Nazirliginiñ serbest çalışqan mesleatçısı oldı ve federal maqsat programmalarınen oğraştı. Aynı vaqıtta «PR-sistema» agentliginiñ baş müdir vazifelerini eda etti. 1999 senesi yanvar ayında «PR-sistema» PR-agentliginiñ tesisçilerinden biri ve baş müdiri oldı.
XS
SM
MD
LG