Rusiye prezidenti Vladimir Putin, Keriç köpründe poyezdlerniñ yürüşi açılmasında iştirak ete bile. Bunı jurnalistlerge Putinniñ matbuat kâtibi Dmitriy Peskov haber etti.
"Prezident bunda iştirak ete bile", - dep yaza Peskovnıñ sözlerinden TASS haber agentligi.
Daa evel matbuatta Vladimir Putin, Keriç köpründe poyezd yürüşini şahsen açacağı aqqında haber peyda oldı.
«Grand Servis Ekspress» naqliyat şirketi noyabrniñ 8-nde saba Keriç köprüden ketecek Qırımnıñ yolcu trenlerine bilet satmağa başladı.
