Rusiye prezidenti Vladimir Putin bazarertesi künü aqşam Keriç köprüne eñ yaqın bölgelerniñ yolbaşçıları ve Naqliyat nazirligi ile muşavere keçirdi.
O, Keriç köprüne ücümni "terror eylemi" adlandırdı ve Rusiyeniñ buña cevap berecegini vade etti. Onıñ sözlerine köre, RF Mudafaa nazirligi artıq "teklifler azırlay" eken.
Rusiyeniñ Qırım meselelerinden mesüliyetlisi Baş nazir muavini Marat Hunsullinniñ bildirgenine köre, köpürniñ közlerinden biri tamamınen yıqılğan, daa birisi zarar körgen, köpürniñ ayaqları ise zarar körmegen.
Onıñ sözlerine köre, uzunlığı tahminen 250 metr olğan qısımda muvaqqat köpür quracaq olalar.
İyülniñ 17-nde saba Qırımnıñ Rusiye yolbaşçısı Sergey Aksenov Keriç (Qırım) köpründe areket toqtatıldı, dep bildirdi. Onıñ aytqanına köre, Rusiyeniñ Krasnodar ülkesi tarafından 145-inci dayaq fevqulâde adise oldı.
Rusiye Naqliyat nazirligi köpür yolu zarar kördi, dep bildirdi. Telegram kanalları patlavlar aqqında yazıp, zarar körgen arabanıñ fotoresimlerini paylaşa. Rusiye tarafdarı bloger Aleksandr Talipov eki patlav aqqında yazdı – 3:04-te ve 3:20-de.
Belgorod vilâyetiniñ valisi Vâçeslav Gladkov bir qoranta çifti elâk oldı, dep bildirdi. Arabada 14 yaşında qızları da bar edi.
Ukrayına Mudafaa nazirliginiñ Baş istihbarat idaresiniñ spikeri Andriy Yusov Keriç köpründeki «fevqulâde adiseni» izaatlamağa istemedi. «Tek Ukrayına Mudafaa nazirligi Baş istihbarat idaresiniñ reberi Kırılo Budanovnıñ «Qırım köprü – artqaç bir inşaat» degen laflarını tekrarlamaq mümkün», – dep ayttı o, «Suspilne» izaatlarında.
RBK-Ukrayına menbalarına esaslanıp, Qırım köpründe olğan zararlar – Ukrayına Silâlı quvetleri ve Telükesizlik hızmetiniñ Arbiy-deñiz quvetleriniñ mahsus operatsiyasıdır, dep bildire.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
