Rusiye prezidenti Vladimir Putin Ukrayınanı ve «ğarbiy mahsus hızmetlerniñ casuslarını» Dağıstandaki antisemist qalabalıqlarda qabaatladı. O, Mahaçkala ava limanınıñ ücümine bağışlanğan toplaşuvda ayttı.
«Tünevin aqşam Mahaçkalada olğan adise-vaqialar içtimaiy ağlar vastasınen Ukrayınadan ğarbiy mahsus hızmetlerniñ casusları tarafından yaptırıldı. <…> İsrail vatandaşlarını tüşüngenini aytqanlar tahqiqat keçirse, yahşı olur, Rusiyede qalabalıqlar başlatqan olsa, Ukrayınadaki mahsus hızmetleri ne yapa eken. Cinabetler. Başqaca aytmazsıñ!», – dep bildirdi Putin.
Onıñ fikirince, Filistinge «tek bu facianıñ arqasında turğanlarnen», yani Ukrayınanen «küreşip yardım etmek mümkün»:
«Biz – Rusiyemiz ve olarnen mahsus arbiy operatsiya çerçivesinde küreşemiz. Olarnen – em özümiz, em kerçek, aqiqiy azatlıqqa ıntılğanlar içün. Aqiqat ve adaletni qoruğanlar, yamanlıq ve zulüm, rasizm ve neonatsizmnen küreşkenler şimdi cebede buluna – Donetsk, Avdiyıvka, Dnipro özeninde cenkleşe… Aqiqiy yigit, askerniñ qararı – Rusiyeniñ, bütün dünyanıñ, atta Filistin halqınıñ kelecegi belgilengen yerde olmaq».
Kremldeki toplaşuvda Rusiye reberligi iştirak etti. Soñki sefer toplaşuv 2022 senesi fevralniñ 21-nde, «DNR» ve «LNR» mustaqilligini tanuv qararı qabul etilgende olğan edi.
Oktâbrniñ 29-nda aqşam Mahaçkala ava limanında antisemist narazılıqlar olıp keçti. Bir qaç yüz insan ava limanına kirip, Tel-Aviv seferiniñ yolcuları arasında yeudiylerni tapmaq içün uçuş alanına keçti. Dağıstan yolbaşçısı Sergey Melikov «tünevinki adiselerniñ pretsedenti olğan şeylernen» bağlı cinaiy dava açıldı, dep bildirdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
