Link açıqlığı

Saatnıñ esas haberi

Putin tarihiy hatasını qabul etmemek içün cenkni devam ettire – Zelenskıy


Volodımır Zelenskıy

Rusiye prezidenti Vladimir Putin tarihiy hatası – Ukrayınağa istilâsını qabul etmemek içün Rusiye cenkni devam ettirsin dep, elinden kelgenini yapa. Bu aqta Ukrayına prezidenti Volodımır Zelenskıy Madeleine K. Albright Democracy Awards mukâfatlav merasiminde ayttı, dep haber ete Ukrayına prezidenti ofisiniñ saytı.

«Bu yıl fevralniñ 23-nde – Rusiye cenkiniñ kerginleşmesinden bir kün ögüne – Madeleine K. Albright Rusiye reberi tarihiy hata yapa dep yazı derc etti. Bu sözler kerçek oldı. Öz ayatında ve zemaneviy rusiyelilerniñ ayatında eñ büyük hata yapıldı. Amma, dostlar, epimiz bilemiz, er angi diktaturanıñ ğayesi – hatalarnı körmemezlikke urıp, bir hata olmağanını köstermek. Em de diktaturanıñ ilk şahsınıñ hatası aqqında aytılğanda. Bes-belli, diktator yutquzdı. Lâkin Rusiye cenkleşmege devam etsin dep er şey yapa, tarihiy hata yapılğanını tanımamaq içün elinden kelgenini yapa», – dedi Zelenskıy.

O, şunı qayd etti: «Sebepsiz ve cinaiy bir cenk başlatqan kişi yutquzıp, mesüliyetke çekilmeli».

«Ukrayına ve dünya barışıq, istiqrar ve telükesizlik kefaletlerini almalılar… Ukrayına ğalebesinden ğayrı başqa bir variant hata olacaq ve bunı qabul etmek kerek. Şunıñ içün kene küçlü amerikan liderligine ihtiyacımız bar», – dedi Zelenskıy.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG