«Arbiy operatsiya qararını aldım…»
Cumaaqşamı kününe keçer gecesi Vladimir Putin Ukrainada «mahsus arbiy operatsiya» başlatqanını ilân etti. Onıñ maqsadı olaraq «sekiz yıl devamında çekiştirilgen ve Kyiv rejimi tarafından genotsidke oğratılğan insanlarnı qoruv», «Ukrainanı silâdan arıtuv ve temizlev» ve «barışıqsever insanlar, hususan Rusiye Federatsiyasınıñ vatandaşlarına qarşı qanlı cinayetler yapqanlarnı mahkemege berüvni» ayttı.
Şaatlarnıñ aytqanına köre, Ukraina raketa ateşine oğradı. Ava mudafaa bölükleri, arbiy baza ve aviabaza, idare sistemalarına ateş açıla.
Ukraina ve Ğarp kütleviy haber vastalarınıñ mühbirleri ve şaatlar Mariupol, Harkiv, Odesa, Dnipro ve Kyiv civarlarında olğan küçlü patlavlar aqqında bildire – Putin arbiy operatsiya aqqında beyanatında «DNR» ve «LNR» reberleriniñ arbiy yardım ricası aqqında ayttı.
Kramatorsk, Harkiv ve Kyivde patlavlar aqqında haber etile.
Kramatorskta dört patlav, Odesa, Berdânsk, Donbasta küçlü patlavlar aqqında haber etile.
Ukraina paytahtında Poznâkı ve Troyeşçina sakinleri patlavlarnı eşitti. «Borıspil» ava limanı rayonında patlav ve ateşler aqqında bildirile.
