Ukrayinanıñ G20 sammitinde iştiragi Rusiye lideriniñ anda olıp olmaycağına bağlıdır, dep bildirdi Ukrayina prezidenti Volodımır Zelenskıy Yunanistan prezidenti Yekaterina Sakellaropulu ile ortaq matbuat konferentsiyamı vaqtında.
"Menim şahsiy fikrim ve Ukrayinanıñ baqışı şundan ibarettir ki, Rusiye prezidenti sammitte iştirak etecek olsa, Ukrayina anda kelmeycek", - dedi o.
Aynı zamanda Ukrayina prezidenti qayd etti ki, ukrayin delegatsiyası sammitke alâ daa davet etilgen.
"Körecekmiz. Bir qaç kün qaldı", - dep qoştı devlet başı.
Evel, noyabrniñ 3-nde Ukrayina devlet başı bu sene G20 sammitinde iştirak etecek İndoneziya prezidenti Coko Vidodo ile laf etkenini bildirgen edi.
Onıñ sözlerine köre, digeri arasında olar sammitke azırlıqnı da muzakere etkenler.
Avgust ayında İndoneziya prezidenti Coko Vidodo Vladimir Putin G20 sammitinde iştirak etmek niyetinde olğanını bildirgen edi. Sammiti noyabrni 15-16 künleri Balide keçirilecek.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
