Link açıqlığı

Saatnıñ esas haberi

Rusiye arbiyleriniñ muvafaqiyetsizligi sebebinden Putin adiy vatandaşlarğa ücüm ete – Pentagon yolbaşçısı


Lloyd Austin
Lloyd Austin

ABD Mudafaa naziri Lloyd Austinniñ fikirince, belgilengen maqsadlarğa irişemegen Rusiye arbiyleri muvafaqiyetli olamağanı içün Rusiye prezidenti Vladimir Putin vatandaş ealisine ücüm ete. Bu aqta Austin CBS Amerika telekanalınıñ yayınında ayttı.

«Soñki bir qaç afta şeer ve qasabalarğa, vatandaş insanlarğa aselet ücüm etilgenini kördik. Mence, o, (Putin – QA) kampaniyası toqtağanı içün böyle adım ata. O, istegeni kibi maqsadlarına tez irişip olamadı. Bunıñ içün körgen taktiklerni qullana. Bu kerçekten igrendire. Amma kene de cesür cenkleşken ve memleketini qorumağa devam etken Ukraina halqı ögünde baş egem», – dep ayttı Pentagon yolbaşçısı.

Fevralniñ 24-nde saba saat 5-te Rusiye prezidenti Vladimir Putin «DNR» ve «LNR» gruppirovkalarınıñ «muracaatından» soñ Donbasta «mahsus operatsiya» başlatqanını ilân etti. Bundan soñ Kyiv, Harkiv, Odesa, Kramatorsk, Berdânskta patlav ve raketa darbeleri aqqında haber etildi.

Ukraina prezidenti Volodımır Zelenskıy umumiy seferberlik buyruğını imzaladı. Ğarp memleketleri Ukrainağa yapılğan ücüm sebebinden Rusiyege qarşı yañı sanktsiyalarnı qullanıp başladı.

Doğrudan ücümge baqmadan, Kreml Ukraina işğali niyetini inkâr ete. Rusiye Mudafaa nazirligi Ukraina tarafınıñ tüşürilgen Rusiye uçaqları, patlatılğan zırhlı tehnika, Rusiye arbiyleriniñ ölümleri aqqında malümatını red ete ve Ukraina şeerlerine ateş açılmay, dep bildire.

Rusiye Mudafaa nazirligi Ukraina tarafınıñ tüşürilgen Rusiye uçaqları, patlatılğan zırhlı tehnika, Rusiye arbiyleriniñ ölümleri aqqında malümatını red ete ve Ukraina şeerlerine ateş açılmay, dep bildire. Başta Rusiye arbiyleri ölgenini inkâr ettiler. Amma fevralniñ 27-nde Rusiye Federatsiyası Mudafaa nazirliginiñ resmiy vekili İgor Konaşenkov Ukrainada ölgen ve yaralanğan Rusiye askerleri bar, dep ayttı. Sayısını aytmadı.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: rukrymr.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

XS
SM
MD
LG