Link açıqlığı

Rusiye prezidentiniñ qırımtatarlar ve başqa sürgün etilgen halqlarnıñ reabilitatsıyası aqqında fermanı aqiqaten Rusiye idaresi qırımtatarlarnıñ problemlerini çezmege istemegenini körsete.

Böyle fikirni Qirim.Aqiqatqa Qurultaynıñ Merkeziy saylâv komissiyanıñ başı Zair Smedlâyev bildirdi.

«Bu kibi çul tutmağan devletniñ başı tarafından imzalanğan vesiqanı men daa körmegen edim. Bu fermanda ihtimal esalet yapılğan hatalarğa baqqanda, Kremlde bizim meselemiznen oğraşmağa iç bir niyet ve istek yoq degen fikirge kelesiñ», - dedi Zair Smedlâyev.

Ondan da ğayrı, Smedlâyev diqqatını olğan hatalarğa ve atta qırımtatar halqnıñ adı bile hatalarnen yazılğanına celp etti.

«Vesiqada qırımtatar (qırımtatar sözü beraber yazılmaq kerek, sızıçıq olmamaq kerek) halqı ve başqa milletler grajdanları aqqında aytılmaq kerek. Qırımdan tolusınen tek qırımtatar halqı ve ermeni, bolgar, yunan grajdanları sürgün etildi. Çünkü bu halqlar tek öz devletleri toprağından qırımtatarlar kibi tolusınen sürgün etilip olar ediler». – ayttı Smedlâyev. Ondan da ğayrı, o vesiqada farqlı devletler sürgün etilgen tarihleri qarıştırılğanı aqqında qayd etti.

Qurultaynıñ MSKnıñ reisi «fermanda sürgün etilgen halqlarğa mal-mülkü içün tezmin etilmesi ve tolusınen reabilitatsıya közge tutulmay».

«İşbu fermanda eñ davalı maddelerinden birisi bu qırımtatarlarnıñ devletçiligini tiklemesi yerine añılğan halqlarnıñ milliy-medeniy cumhuriyetlerini yapmaq imkânlar aça»,-dey Smedlâyev.

Aprelnıñ 21de Rusiye prezidentı Vladimir Putin qırımtatar ve başqa repressiyalarğa oğrağan halqlarnıñ reabilitatsıyası aqqında fermannı imzaladı.
XS
SM
MD
LG