"ÇVK Vagner"niñ yolbaşçısı Yevgeniy Prigojin Rusiye Madafaa naziri Sergey Şoygu ve RF Ordusı baş ştabınıñ reberi Valeriy Gerasimov askerlerge teslim etilmeseler Rostov-na-Donunı musaderege almağa ve Moskvağa ketmege niyetinde olğanını bildirdi. Bu talaplarnı Prigojin "ÇVK Vagner"ge yaqın olğan telegram kanalları tarafından yayınlanğan videoda seslendirdi.
Videoda Prigojin keçende vagnerlerni toqtamağa ve olayatqan vaqialarnı devlet devrimi olaraq dep adlandırğan Rusiye Mudafaa naziriniñ muavini Yunus-Bekom Yevkurov ve general Vladimir Alekseyevge muracaat ete.
Bundan evel Prigojin 30 daqqalıq bir video derc etti, anda Rusiye «arbiy-siyasiy reberligini» Ukrayınadaki cenkte muvafaqiyetsizligi içün tenqit etti ve Rusiye prezidentiniñ memuriyetini qabarcılıqta qabaatladı.
O, Rusiye Mudafaa nazirligini Ukrayinadaki cenkniñ kerçek sebepleri meselesinde «cemaatçılıqnı aldatmağa tırışa», dep qabaatladı. İş adamınıñ fikirince, «cenk oligarhlarğa, bugün Rusiyeni idare etken klanğa kerek».
«Bu qabarcı klan er şey ala. Klannıñ çetel biznesi qapatılsa, devlet iç biznesini böle ve oña bere. Şunıñ içün iş adamlarına apiske alalar, banklarnı qapatalar, klan paralarını coymasın dep yapalar», – dep qayd etti o.
Prigojin Rusiye Federatsiyasınıñ arbiy reberligini Rusiye ordusınıñ Ukrayinadaki cenkte muvafaqiyetsiz olğanı içün çoq tenqit etti. Konstantin Dolgovğa bergen intervyüda «ÇVK Vagner» qurucısı Rusiye mudafaa naziri Şoygunı tenqit etip, Rusiye akimiyeti 2022 senesi fevral ayında ilân etken Ukrayina askeriysizleştirilüvi yerine tam tersine irişti, Ukrayina ordusı dünyanıñ eñ küçlü ordularından biri oldı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
