Ukrayina Rusiyeden RF-sına kirmege tırışqanda yaqalanğan qırımtatar Lenine Umerovanınıñ azat etilmesini talap ete. Ukrayina Prezidentiniñ Qırım MC Temsilciligi, yaqanmasına sebep Umerovanıñ Rusiye pasportını almaqtan red etmesi olğanını bildirdi.
"Dünya toplulığını halqara gumanitar uquq qaideleriniñ bozulmasına qarşılıq köstermege ve bunı takbih etmege çağıramız. Vaqtınca işğal etilgen yarımadanıñ sakinleriniñ temel aq ve serbestlikleriniñ bozulmasına Qanun qoruyıcı organlarınıñ ve Qırım MC ve Aqyar şeeriniñ Prokuraturasınıñ diqqatını çekemiz", - dep yazıla bildirmede.
Rusiye Federatsiyasında tutulğan Leniye Umerovanıñ ağası Aziz Umerov «yapqan yekâne «cinayeti» Qırımda doğğanına baqmadan, Rusiye pasportını almaması oldı», dep qayd etti.
«Terrorist memleket halqara uquq normalarını bozıp, qabaatsız insannı, 25 yaşında qıznı – Ukrayina vatandaşını reine olaraq tuta. Lâqayt olmağan bütün cemaat faalleri, aq qorçalayıcı teşkilâtlar, devlet akimiyeti organlarını Leniyeni esirlikten azat etüvde yardım etmelerine çağıram», – dep muracaat etti cemaatçılıqqa Aziz Umerov.
Rusiye uquq qoruyıcıları Leniye Umerovanıñ tutuluvı aqqında resmiy şekilde bildirmey.
Aq qorçalayıcılarnıñ malümatına köre, Ukrayınağa qarşı tam istilâ başlağan soñ işğal etilgen topraqlarda Rusiye uquq qoruyıcıları Ukrayına vatanperverleri, göñülli, cemaat faalleri, jurnalist, ATO/OOS veteranlarını daa sıq hırsızlap başladı. Çoqusı işğal etilgen Qırımğa çıqarılıp, SİZOğa qapatıla.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
