Ukrayina Prezidentiniñ Qırım MC Temsilciligi rusiyelilerniñ Bizans imperiyası devrine ait altın eşyalar sergisiniñ "Tavrik Hersones" müzeyinden çaqarılmasını takbih etti ve Ukrayina qanun qoruyıcı organlarına muvafıq arizanen muracaat etti.
"İşğalciler sergiler aqqında istegenleri qadar ayta bileler, amma işğal etilgen topraqlardan medeniy servetlerniñ taşınması qanunsızdır. Bundan ğayrı, bu kibi areketler Ukrayina Silâlı Quvetleriniñ qaçınılmaz qarşı ücümi ve muvafıq topraqlarnıñ azat etilmesinden evel qastlı hırsızlıq olğanını añlaymız", - dep haber ete müessiseniñ matbuat hızmeti.
Prezidentiniñ Qırım MC Temsilciligi Qırım MC ve Aqyar şeeri prokuraturasına muracaat etip, "tecavuzcı devletniñ bu ve bu kibi diger cinayetlerini" tahqiq etmege çağırdı. Bundan ğayrı dünya toplulığını Rusiyege siyasiy ve diplomatik basqını devam ettirmege davet etti.
Daa evel Ukrayina Prezidentiniñ Qırım MC temsilciligi Rusiyeliler "Tavrik Hersones"ni çaypap, andan Bizans altınlarını alıp çıqarğanlarını bildirgen edi. Haber etilgeni kibi, bundan ğayrı, müzeyniñ territoriyasında rusiyeliler qanunsız atiqiyat qazmalarnı devam ete ekenler.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
