Ukraina prezidentiniñ Ofisi yanvar 7-sinde Volodımır Zelenskıy Amerika Birleşken Devletleri Devlet departamenti Baş kâtibi Mike Pompeonen telefonnen laf etkenini haber etti. Bunıñ aqqında Azatlıq Radiosı yaza.
Berilgen malümatqa köre, subetderşler “Normandiya dördü” sammitiniñ neticeleri ve Yaqın Şarqta vaziyetni muzakere ettiler.
Volodımırı Zelenskıy Normandiya körüşüvi vaqtında elde etilgen añlaşmalar aqqında ve bunen beraber Ukraina şarqında tınçlıq olması içün Kyivniñ planları aqqında aytıp berdi.
“Mike Pompeo esirlerniñ azat etilmesini qay detti ve Avropağa gaz tranziti içün müim muqaveleniñ tizilmesini alğınlaşı”, – qayd ettiler Prezident ofisinde.
Devlet başı Birleşken Devletlerge deñişmegen destegi içün minnetdarlıq bildirdi.
“Bunen beraber Zelenskıy ABD prezidenti Donald Trumpqa ve Kongresske devletiminiñ telükesizilik ve mudafaa saasına maliyeviy ve maddiy yardım berilmesi aqqında qararı içün ayrı minnetdarlıq bildirdi. Bu ve diger sualler Zelenskıy ve ABD devlet kâtibi körüşkende tafsilâtlıca muzakere etilecek”, – yazıla malümatta.
