Ukrainada dünya rus tilli kanalını açacaqlar, dep bildirdi Ukraina prezidenti Ofisiniñ reis muavini Kirill Timoşenko «İnterfaks-Ukraina» agentligine, dep haber ete Azatlıq Radiosı.
Onıñ aytqanına köre, Ukrainanıñ işğal etilgen Donbas topraqları ve Qırımda yaşağan ukrainalılar ve Rusiyede yaşağan rusiyelilerniñ aqlı içün küreşmesi içün böyle kanal kerek.
«Bütün dünyada rus tilli ealini qaplap alacaq ukrain rus tilli kanalını açuv variantı azır», – dedi Timoşenko.
Onıñ aytqanına köre, prezident Volodımır Zelenskıynıñ taqımında bunı devlet kanalı olaraq köreler.
«Amma bizler şahsiy kanallarnen laf etip, olarnıñ eñ eyi mündericesini almaq içün añlaşamız», – dedi Timoşenko.
Zelenskıynıñ birinci yardımcısı Sergey Şefir «keniş kütleler içün» haber-eglence telekanalını açmaq niyetleri aqqında aytqan edi.
