Qırımda Rusiye akimiyeti 2030 senesine qadar 1500 yerlik yañı tahqiqat izolâtorını qurmaqnı planlaştıra. Bu aqta Ukrayina milliy tirenüv merkezi öz telegram kanalında haber ete.
Berilgen malümatqa köre, qurucılıq kelecek sene başlanacaq, fiyatı 16,6 mlrd ruble qadar olacaq. SİZO tam olaraq ne yerde yerleşecek belli degil.
"Sebebi sade ve qorqunçlı: işğalciler ceza tedbirlerini quvetleştire, mevcut apishaneler tolıp-taşa, Qırım ise total apishanege çevirildi",— dep qoştılar Ukrayina milliy tirenüv merkezinde.
Rusiye akimiyeti bu malümatnı resmiy şekilde bildirmedi.
Daa evel Rusiye akimiyetiniñ bu kibi planları aqqında Ukrayina prezidentiniñ Qırım Muhtar Cumhuriyetindeki temsilciligi haber etken edi. O vaqıt Rusiye 366 yerlik SİZO ve eki basamaqta 1500 yerlik yañı izolâtor qurmaqnı ve mabüslerni mecburiy işke celp etmek içün 85 dane istisal donatmasını satın almaqnı planlaştıra edi.