"Onı Cumhuriyet firqasınıñ namzetligi ile hayırladı ve Pensilvaniyadaki ücümni takbih etti. İleride küç ve tam telükesizlik tiledi. Men, devletimizniñ serbestligi ve mustaqilligini qorçalamaq içün eki taraflı ve eki palatalı Amerika desteginiñ müimligini qayd ettim. Ukrayina, Rusiye terrorına qarşılıq köstermek qabiliyetimizni quvetleştirmek içün Amerika Birleşken Devletlerine er vaqıt minnetdar olacaq. Rusiye şeer ve köylerimizge er kün ücüm ete", — dedi Zelenskıy, Trampnıñ aytqan tezisleri aqqında ikâye etip.
Ukrayina devletiniñ yolbaşçısı ayrıca qayd etti ki, "prezident Tramp ile şahsiy körüşüv vaqtında barışıqnı adaletli ve kerçekten devamlı yapa bilecek adımlarnı muzakere etmege añlaştıq".
Beyanatta körüşüvniñ yeri ve vaqtı aqqında aytılmay.
Donald Trumpnıñ ekinci prezidentligi ve saylansa Ukrayinağa qol tutuvı aqqında ihtiyatlı tahminler fonunda, Avropa siyasiy toplulığı onıñ soñki beyanatları ve bu meselede mevamından qasevetlene. Neticede, ABD-deki vaqialar, ihtimalnen Tramp prezidentligi vaqtında, Avropanıñ telükesizligine tesir ete bile.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
