Qırım Muhtar Cumhuriyetinde Ukraina prezidenti vekili Anton Körineviç, Şimaliy Qırım kanalından yarımadağa suv teminatı aqqında Rusiyeniñ iddilarınıñ uquqiy temeli yoq, dep ayttı.
Rusiyeniñ Şimaliy Qırım kanalı boyunca işğal etilgen yarımadağa suv teminatı toqtatılması aqqında qararnı qanunğa esaslanıp alğanını bildirdi.
Bu, Qırımnıñ rusiyeli başlıqları, Şimaliy Qırım kanalı boyunca işğal etilgen yarımadağa suv teminatını yañartmağa istegenleri ve Kremlge, Ukrainanen muzakereleri ğayrıdan başlamaqnı ricanen etkenlerine, Korineviçniñ cevabı edi.
“Qırım – Ukraina qısmıdır. Qırım, Rusiye Federatsiyasınıñ degil. Şunıñ içün Rusiye, devletlerara munasebetlerde Qırım ile bağlı suallerni köterip olamay. Qırım ile bağlı suallerni tek suveren devlet kötere bile, yani Ukraina”, – yazdı Facebookta Körineviç .
Onıñ aytqanına köre, Ukraina Dnipro özeniniñ yatağını degil de, Ukraina topraqlarında yerleşken kanalnı qapatqan. Bunı yapmaq içün Ukrainanıñ tam aqqı bar.
O, işğalci devlet işğal etilgen bölgege kerekli bütün resurslarnı temin etilüvinden mesül olmaq kerek olğanını qayd etti.
Ukraina Qırımnıñ içecek suv ihtiyaclarınıñ 85%-ni yarımadanen bağlağan Dnipro aqıntı yolu olğan Şimaliy-Qırım kanalı vastasınen teminley edi. 2014 senesi Rusiye Qırımnı işğal etken soñ, yarımadağa suv berilmesi toqtatıldı.
