"Şunıñ içün ayatnı qorçalamaq içün er şeyni yapmağa devam etmek, ava mudafaasını pekitmek, Rusiyege qarşı sanktsiyalarnı quvetleştirmek pek müimdir. Putinniñ cenkke para bermesine yardım etken er şey yıqılmalı", — dep yazdı Zelenskıy Telegram kanalında.
Ukrayina prezidenti hatırlattı ki, saban ayınıñ 7-nde aqşam Rusiye ordusı Dobropillâlnıñ merkezine eki ballistik raketa ile urdı, qurtarıcı hızmetler kelgen soñ ise, anda daa bir darbe endirdi.
11 insan elâk oldı, 30 yaralandı, olarnıñ arasında 5 bala, sekiz beş qatlı bina ve memuriy bina, yanğın maşnası zararlandı.
Rusiye arbiyleri çeşit silâlardan Ukrayina regionlarına muntazam sürette ücüm ete.
Rusiye yolbaşçılığı, Rusiye ordusınıñ, büyük cenk vaqtında, Ukrayina şeerleri ve köyleriniñ grajdan infrastrukturalarına maqsatlı darbeler endirgenini, vatandaş ealisini öldürgenini ve hastahaneler, mektepler, bala bağçaları, energetika ve suv teminlevi obyektlerini yoq etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıy ve olarnıñ maqsatlı olğanını qayd ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
