Link açıqlığı

Saatnıñ esas haberi

Prezident Zelenskıy, Qırım ilhaq astında olğance, Rusiyeni G7 qaytarmamağa Avropa Birligine rica etti


Volodımır Zelenskıy ve Donald Tusk
Volodımır Zelenskıy ve Donald Tusk

Ukraina prezidenti Volodımır Zelenskıy, avgust 22-sinde Avropa şurasınıñ prezidenti Donald Tusknen telefon laqırdısını keçirdi ve Qırım ilhaqınen Donbassta tecavuz bitmegence, Rusiyeni "Büyük Yedi"ge qaytarmasına yol bermemege rica etti.

Bunı Ukraina prezidentiniñ ofisi bildire.

"Volodımır Zelenskıy, Rusiyeni "Büyük Yedi"den çıqarılmasına sebep olğan Qırım ilhaqı ve Donbassta tecavuz bitmegence, onıñ qaytarılması aqqında keskin bir qararda turmağa çağırttı", - denile beyanatta.

Haberge köre, Tusk, Rusiyeniñ G7-ge qaytarılması aqqında Zelenskıynıñ qasevetine qol tuttı.

Bildirile ki, Avropa şurasınıñ başı, "AB-niñ noqta-i nazarı deñişmeycegi aqqında ve AB Ukrainanen fikirdeş olğanını ayttı, ve Frenskistanda avgust 24-26-sında G7 sammitinde bu fikirni qorçalaycağını qoştı.

Rusiye Qırımnı 2014 senesi ilhaq etkeninden soñ, onı G7-den çıqardılar, gruppanıñ qalğan devletleri ise - Büyük Britaniya, Kanada, Almaniya, İtaliya, Yaponiya ve AQŞ - Moskovağa qarşı sanktsiyalarnı ilân etti.

XS
SM
MD
LG