Ukraina prezidenti Volodımır Zelenskıy Donbasnıñ işğal etilgen qısmı üzerinde MH17 yolcu uçağınıñ urup tüşürilmesiniñ yıldönüminde bu faciada qabaatlı olğanlarnıñ mesüliyetke celp etilmyesiniñ müimligini qayd etti.
мDünya ve Ukraina «Malayziya ava yolları» nıñ 298 qurbanını unutmadı. Felâkette qabaatlı olğanlarnıñ mesülietke çekilmesi yalıñız ölgenlerniñ tuvğanlırı içün degil, kelecek nesiller içün de müim» dedi Ukraina prezidenti.
Ukraina, aqiqatnı tapmaq ve qabaatlılılarnı cezaşçalamaq içün Rusiyeniñ bu davada tahqiqatçılarnen işbirlik etecegine ümüt ete, dep yazıla devletiniñ resmiy saytında.
Bugün «Malayziya ava yolları» şirketiniñ MH17 reysi uçağınıñ Donbassta tüşürilip, qaza olmasınıñ yıllığı. Uçaq Amsterdamdan Kuala-Lumpurğa uça edi. Facia 2014 senesi iyülniñ 17-nde oldı.Facia neticesinde uçaqta olğan 298 insan, olar arasında em yolcular, em de uçaqnıñ ekipajı elâk oldı. Uçaq Donetsk vilâyetiniñ Grabove köyü yanında, Rusiyeniñ «Buk» zenit-raketa kompleksinden urıp tüşürildi. Elâk olğanlarnıñ çoqusı – 193 insan – Felemenk vatandaşları edi.
