Ukraina prezidenti Volodımır Zelenskıy ABD-ge ziyaretiniñ neticelerine "pek müsbet dedi" ve ABD devlet başçı Jo Bidenni Ukrainağa davet etkenini bildirdi. Bunı "Nastoyaşçeye vremâ" haber ete.
"Keyfim pek yahşı. ABD sözde degil, işte bizim strategik ortaqımız. ABD Ukrainanı kelecekte NATO azası olmaq yönelişinde, energetik yönelişte destekley. Eñ müimi olar suverenitetimizni, topraq bütünligimizni destekley. İnanam ki, çoq sayıda iqtisadiy ilerilevler elde ete bilirmiz. Amma er şey detallerge bağlı", – dedi o.
Ukraina prezidenti Volodımır Zelenskıy ve ABD devlet başı Jo Biden sentâbrniñ 1-nde Vaşingtonda körüştiler.
Prezidentler "Şimaliy aqım-2" leyhasını, ABD-niñ Ukrainağa arbiy yardımını ve Ukrainanıñ kelecekte NATO azalığını muzakere ettiler.
