Ukraina Devlet sıñır hızmeti Rusiye işğal etken Qırımnıñ memuriy sıñırında Ukraina prezidenti saylavlarınıñ ekinci turı arfesinde telükesizlik tedbirlerini quvetleştirdi. Bu aqta matbuat hızmeti bildire.
Keçiş noqtalarında teşkerüv tedbirleri daa tez keçsin dep, sıñır kontrolini kerçekleştirecek hadimlerniñ sayısını arttırmağa planlaştırıla.
Sıñırcılarnıñ qayd etkenine köre, «böyle tedbirler işğalcilerniñ provokatsiya areketilerine yol bermemek, işğal altındaki yarımadadan kelgen ve anda ketken vatandaşlarnıñ telükesizligini temin etmek içün alına».
6 biñden ziyade qırımlı ve aqyarlı Ukraina prezidenti saylavlarınıñ ekinci turında rey berüv yerini deñiştirdi.
Aprelniñ 21-nde Ukraina prezidenti saylavlarınıñ ekinci turı keçirilecek.
Ukraina prezidenti saylavlarınıñ birinci tur neticelerine köre, saylayıcılarnıñ 30,24%-ıVolodımır Zelenskıyge rey berdi, 15,95%-ı şimdiki devlet yolbaşçısı Petro Poroşenkoğa. Ekinci tur aprelniñ 21-nde olacaqtır.
