Ukrayina Prezidenti ofisi yolbaşçısınıñ mesleatçısı Mıhaylo Poldolâk, yarımada işğalden azat etilgen soñ Qırım muhtariyet statusından marum etile bilecegini farz etti.
Podolâknıñ fikrince, unitar bir devlet terkibinde muhtariyeteniñ mevcutlığı separatistler içün elverişli şarait yarata.
"Añlaşılğanına köre, muhtariyet alğan soñ soqurca kendini diger bölgelerden daa yahşı sayasıñız. Unitar devlet içün bu telükeli yoldır, bu regional seviyede çatışmağa ketken bir yoldır", - dedi o.
Podolâk, Ukrayinanıñ aynı zamanda aqlarına sayğı kösterilmeli olğan milliy azlıqları olğanını da qayd etti. Bu köntekstte o, ukrayinlerniñ "simpatiyasını aq etken" qırımtatatarlarnı hatırladı.
Podolâk Qırımnıñ ukrayinalaştırılması aqqında aytıp, bunıñ içün atta halqara seviyede meraqlı ola bilecek yüksek keyfiyetli bir medeniy mahsul yaratılmasınıñ kerek olğanı fikrini bildirdi.
Aprelniñ başında Ukrayina Nazirler kabineti Qırım ve Aqyar şeeriniñ İşğalden azat etilüvi ve reintegratsiyası Strategiyasınıñ yañı variantını qabul etti.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
