Ukrayina qarşı ücüminiñ soñ maqsadı 1991 senesinden itibaren bütün bölgelerniñ azat etilmesidir. Söz şu cümleden Donetsk, Lugansk ve işğal etilgen Qırım aqqındadır, dep bildirdi Ukrayina prezidenti ofisiniñ reberiniñ muavini İgor Jovkva.
Onıñ sözlerine köre, bazı qarşı ücüm areketleri endi ketmekte, amma tez neticece beklemek kerekmey. Memur, Ukrayinanıñ maqsatlarına irişmek içün uzun aylar kerek ola bilir, dep qayd etti.
"Qarşı ücümniñ soñ mqsadı Qırım ile beraber bütün topraqlarımıznı azat etmektir", - dep ayttı o.
Jovkva, bunıñ Ukrayina ordusınıñ ilk qarşı ücümi olmağanını, amma aynı zamanda qayd etilgeni kibi, "soñ qarşı ücüm ameliyatı olmaycağını" hatırlattı.
Jovkva, Ukrayinanıñ öz maqsatlarına irişmek içün ğarp ortaqlarınıñ yardımına ihtiyacı bar dep bildirdi.
İyünniñ başında Ukrayina ordusı qarşı ücümge başlağanı aqqında malümat peyda oldı. Ukrayina tarafı ise qarşı ücüm areketleriniñ başlaması ile bağlı resmiy bildirmedi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
