Ukrayina prezidenti ofisi yolbaşçısınıñ mesleatçısı Mıhaylo Podolâk, Rusiye prezidenti Vladimir Putinniñ işğal etilge topraqlarda arbiy vaziyetniñ tayin etilmesi ile bağlı fermanı Ukrayina içün "iç bir şey deñiştirmegenini" bildirdi.
"Rusiye Federatsiyası tarafından işğal etilgen topraqlarda "arbiy vaziyet" rejiminiñ tayin etilmesi yalıñız nevbetteki "yerni deñiştirüvden" evel ukrayinlerniñ mülküniñ qsızlanmasınıñ ve soğuncılıqnıñ qanuniyleştirilmesidir. Ukrayina içün bu iç bir şey deñiştirmey: öz topraqlarımıznı işğalden azat etmege devam etemiz", - dep yazdı Podolâk Twitterde.
Oktâbrniñ 19-nda RF prezidenti Vladimir Putin işğal etilgen Donetsk, Lugansk, Zaporijjâ ve Herson vilâyetlerinde arbiy vaziyetniñ tayin etilmesi aqqında ferman imzalağan. Bunı o RF Telükesizlik Şurasınıñ oturışında çıqışta bulunğanda bildirdi.
Bundan ğayrı Putin işğal etilgen Qırım ve Aqyarda ve Rusiyeniñ Ukrayina ile sıñırdaş olğan bir sıra bölgelerde "orta seviyeli cevap tedbirlerini" tayin etti.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
