Herson vilâyetiniñ 88 meskün yeri işğalden azat etildi, dep haber etti Ukrayina prezidenti ofisiniñ yolbaşçısınıñ muavini Kırılo Tımoşenko.
"Cenüp" Ukrayina komandanlığında qayd etkenleri kibi, Herson vilâyetiniñ azat etilgen meskün yerlerinde tahminen 12 biñ adam yaşay.
"Stabilleştirme tedbirleriniñ keçirilgen azat etilgen köyler arasında - Novodmitrovka, Kostırka, Çereşnevoye, Novonikolayevka, Novopetrovka ve Blakitnoye", - dep bildirdi Herson vilâyetiniñ arbiy memuriyetiniñ yolbaşçısı Yaroslav Yanuşeviç.
Timoşenkonıñ malümatına köre, Harkiv viyaletinde Ukrayina Silâlı Quvetleri 551 meskün yerni azat etken.
Evel, Ukrayinadaki Rusiye ordusına komandanlıq etken Sergey Suvorkin Rusiye ordusı ealini "tahliye etmege" azırlanğanını bildirdi.
Oktâbrniñ 19-nda RF prezidenti Vladimir Putin işğal etilgen Donetsk, Lugansk, Zaporijjâ ve Herson vilâyetlerinde arbiy vaziyetniñ tayin etilmesi aqqında ferman imzaladı.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
