Link açıqlığı

Saatnıñ esas haberi

Praganıñ merkezinde qırımtatarlarğa qoltutuv fleşmobı keçirilecek – faaller


Çeh Cumhuriyetiniñ paytahtı Praganıñ tarihiy merkezinde Staromestskaya meydanında bazar künü, aprelniñ 7-nde, qırımtatarlarğa qoltutuf fleşmobı teşkil etilecek. Bu aqta tedbir teşkilâtçıları Facebooktaki Prague Maidan BLOG saifesinde bildirdi.

«Soñki künleri Qırımda bir çoq qırımtatarı apiske alınğanına esaslanıp, meydanda fleşmob teşkil etmege ve bu insanlarğa iç olmağanda simvolik destek köstermege qarar aldıq. Qırımtatarlarğa qoltutuv yazuvlı şiarları ve qırımtatar bayrağınen foto çıqaracaqmız», – dep aytıla haberde.

Fevralniñ soñunda Staromestskaya meydanında Qırımtatarlarnıñ Rusiye işğaline qarşı tirenüv künü munasebetinen aktsiya keçirilgen edi.

Yanvar ayında «Praga Maydanı» çerçivesinde Ukraina Birleşüv Kününe bağışlanğan Stop Putin, Stop War timsaliy aktsiyası keçirildi.

İşğal altındaki yarımadanıñ Rusiye akimiyeti Ukraina tarafdarları ve qırımtatar faallerine qarşı repressiyalarnı toqtatmay: al-azırda ğayıp olğan 17 kişi, 12 ölü, 10-u mahküm etilgen 39 siyasiy mabüs aqqında belli.

Qırımda Qırımtatar Milliy Meclisi «ekstremist» teşkilât olaraq yasaqlandı.

XS
SM
MD
LG