Link açıqlığı

Saatnıñ esas haberi

Poroşenko Qırımtatar Milliy Meclisine saylavlarda onıñ namzetine qoltutqanı içün teşekkürler bildirdi


Petro Poroşenko
Petro Poroşenko

Ukraina prezidenti Petro Poroşenko Qırımtatar Milliy Meclisine Ukraina prezidenti saylavlarında onıñ namzetine qoltutqanı içün teşekkürler bildirdi.

«Qırımtatar Milliy Meclisiniñ azalarına işanç ve yardımları içün teşekkürler bildirem. Qırımda Ukraina devlet mustaqilligi temin etilecek, qırımtatar halqı – yarımadanıñ tamır halqı – tuvğan toprağında bütün aqlarını ğayrıdan tiklep olur», – dep yazdı Poroşenko Facebook saifesinde.

Qırımtatar Milliy Meclisi Ukrainanıñ şimdiki prezidenti Petro Poroşenkoğa qoltutqanını bildirip, Ukraina vatandaşlarını martnıñ 31-nde olacaq saylavlarda «Ukraina prezidenti vazifesine Poroşenkonıñ namzetine rey bermege» ve qırımlılarnı memleketniñ esas qısmında bulunğan saylav bölüklerinde saylavlarda iştirak etmege çağırdı.

Merkeziy saylav komissiyası 2019 Senesi martnıñ 31-nde olacaq Ukraina prezidenti saylavlarında saylav bülletenleriniñ şekli ve metnini tasdıqladı. Ukraina prezidenti vazifesine 5 namzetniñ qaydı lâğu etilgen soñ rey berüv bülleteninde 39 namzetniñ soyadı olacaq.

Martnıñ 31-nde Ukrainada prezident saylavları olacaq. Qırımlılar esas Ukrainada rey bere bile.

XS
SM
MD
LG