Link açıqlığı

Poroşenko: ateşniñ toqtatıluvı ukrain arbiylerine cevap olaraq ateş açmağa yasaq olğanını bildirmey


Ukraina öz topraq bütünligini çeşit yollar ile pekitmege azır, amma şimdi barışıq çezilişke emiyet berile. Bunı Ukraina prezidenti Petro Poroşenko öz muracaatında bildirdi, dep haber ete Azatlıq Radiosı.

«Bizde qanunsız silâlı teşkilâtlarğa cevap qaytramaq içün quvet ve siyasiy irademiz yeterlidir», – dedi Poroşenko.

«Bütün qanunsız silâlı teşkilâtlar şunı bilmek kerekler: bizim tarafımızdan ateşniñ toqtatıluvı ukrain arbiylerine cevap olaraq ateş açmağa yasaq olğanını bildirmey. Boyeviklerniñ ücüm etmege ıntıluvlarına lâyıq cevap qaytarılır», – dep qoştı Poroşenko.

Bunıñ ile Poroşenko barışıq planınıñ tafsilâtlarını aydınlattı. Onıñ sözlerine köre, yaqın vaqıtta Yuqarı Şurağa yerli sakinlerni ve ukrain arbiylerni öldürmegen ve silânı teslim etken qanunsız teşkilâtlarnıñ mesülietke çağırılmaması aqqında qanunnı qabul etmege teklif etilecek.


«Plannıñ daa bir emiyetli noqtası bar – Donetsk ve Lugansk vilâyetlerinde memuriy binalarnıñ azat etilüvi. Olarnıñ etrafında blokpost ve barrikadalarınıñ devrilmesi. Ukraina soqaqalrına tınçlıq qaytmalı. Tek Donbassta degil», – dedi Poroşenko.

O şunı da qayd etti ki, kesen-kes farqlı nazarlar muzakerelerge keder etemezler: «Hata yapqan, separatizm yoluna yañılıp turğan insanlar ile subetke azırım. Amma, elbette, terroristik areketlerge, ölüdürüvlerge bağlı olğan şahıslar ile muzakere olamaz».

Poroşenko muzakerelerniñ iştirakçilerine havfsızlıqnı vade etti.

Ukraina prezidenti Petro Poroşenko terroristlerge qarşı ameliyatnıñ bir aftağa toqtatıluvı aqqında ilân etti, iyün 20 kününden iyün 27 künü saat 22:00-gece.
XS
SM
MD
LG