AQŞ Devlet Kâtibi Mike Pompeo, Qırım Ukraina akimiyeti nezareti astına qaytarılmalı, dep ayttı. Bu aqta o, Washington İqtisadiy klubunda çıqışta bulunğanda ayttı.
Rusiyeniñ Qırım ilhaqı mevzusını tefsir etkende o, Amerika Qoşma Ştatları öz noqta-i nazarını deñiştirmeycegini tasdıqladı.
"AQŞ, bu (ilhaq - QA) qabul etilmez, dep tüşüne. Qırım qaytmalı", - dep yaza iyül 29-ında Pompeonıñ sözlerinde AQŞ Devlet Departamenti.
2018 senesi iyül 25-inde AQŞ Devlet kâtibi Mayk Pompeo, "Qırım beyannamesi"ni çıqardı, anda, Amerika Qoşma Ştatları Qırım ilhaqını iç bir vaqıt tanımaz, dep yazılğan. Pompeo, AQŞ ileride de Ukrainanıñ bütünliginiñ tiklenmesini talap etecek, dep bildirdi.
