Qırımnıñ Ukraina subyekti kimligi Qırımdaki siyasiy mabüs qırımtatarlar ve ukrainlerniñ fikirlerine bağlı.
Bu aqta rusiyeli advokat Nikolay Polozov «Gordon» ukrain haber resursına ayttı.
«Qırımda qırımtatar ve ukrain siyasiy mabüsleriniñ azat etilüvi nasıl olsa da yarımadanı işğalden qurtaruv meselesine bağlı. Belki, (Ukraina – QA) Prezident ofisi daa çoq gaz meselelerini muzakere etmege begene. Amma Qırımda bunı añlamaylar. Çünki Qırımnıñ Ukraina subyekti kimligi siyasiy mabüslerniñ fikirlerine bağlı. Akimiyet bu problemnge kene köz yumsa, bu insanlarnıñ canı ağıra, çünki olarnıñ meselesi evellilikke köre üçünci sırada buluna», – dep qayd etti Polozov.
Polozovnıñ bildirgenine köre, işğal etilgen Qırımda ve qomşu Rusiyede tutulğan qırımlı siyasiy mabüsler azat etilse, Kreml Ukraina akimiyetinden suv bermesini talap etmesi mümkün.
Tutulğan şahıslar soñki sefer 2019 senesi dekabrniñ 29-nda Donetsk vilâyetiniñ «Mayorsk» keçiş noqtasında deñiştirildi. Umumen almaşuv çerçivesinde Ukrainağa 76 insan teslim etildi: 12 arbiy ve 64 vatandaş.
Dekabrniñ 30-nda Ukraina prezidentiniñ Qırım Muhtar Cumhuriyetindeki temsilciligi qırımlı mabüsler kelecek basamaqta azat etilecek insanlar cedveline kirsetilecek, dep bildirdi.
Büyük Britaniya elçisi Melinda Simmons «Donbasta esarette olğan ukrainalılarnıñ qaytmasını» tebrikledi.
«Şimdi Rusiye Rusiye ve Qırımda tutulğan bütün ukrainalı siyasiy mabüslerni azat etmeli», – dep yazdı o, Twitterde.
Kanadanıñ Ukraina elçihanesi dekabrniñ 29-nda ukrainalı esirler ve Donetsk ve Lugansk vilâyetleriniñ işğal etilgen rayonları reineleriniñ azat etilüvini tebriklep, Rusiye ve Qırımda olğan ukrainalı siyasiy mabüslerniñ azat etilüvine çağırdı.
