Poloniya Ukrayinağa onıñ bergen silâsını Rusiye territoriyasındaki obyektlerge ücüm etmek içün qullanmağa izin berdi. Bu aqta Poloniya Mudafaa nazirliginiñ yolbaşçı muavini Tsezariy Tomçik Radio Zet efirinde bildirdi.
"Ukrayinağa bergenimiz Poloniya silâsınıñ qullanuvına iç bir sıñırlar yoq", — dep qayd etti o.
Bundan evel Büyük Britaniya ükümeti Rusiyede Britaniya silâsınıñ qullanuv yasağını lâğu etti. "Ukrayinanıñ buña aqqı bar. Rusiye Ukrayina toprağına ücüm etken soñ, Ukrayina öz mudafaasınen oğraşmaq kerek olğanını añlay", – dep bildirdi Büyük Britaniya tış işler naziri Devid Kemeron Kıyivge barğanda.
Beyaz Evde Rusiye arbiy obyektlerine ABD silâsınen ücüm etmek yasağını yımşatmaq imkânı da muzakere etile. The New York Times haber etkenine köre, ABD devlet kâtibi entoni Blinkenniñ teşebbüsi ile ABD prezidentiniñ memuriyetinde munaqaşalar başlandı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
