Bu fikirni Poloniya Tış işler naziriniñ yolbaşçısı YES-niñ Kıyivdeki 20-nci er yıllıq körüşüvinde bildirdi, dep yaza İnterfaks-Ukrayina.
"Qırım Rusiye ve hususan Putin içün simvolik olaraq müimdir, amma Ukrayina içün strategik olaraq müimdir. Şunıñ içün Qırımnıñ silâdan arınuvı olmadan nasıl añlaşacaqlarını körmeyim", — dedi Sikorskiy.
Onıñ fikrince, eger eki memleket de istese, bu yerde çezüv tapıla bile.
"Onı BMT-nıñ mandatına altına teslim etip, qanuniy sakinler kim olğanını teşkergen soñ, aqiqiy referendumnı azırlay bile edik... Ve biz bunı 20 yılğa qaldırıp qoya bile edik", — dey Sikorskiy.
Poloniya naziri ayrıca, Ğarpnıñ, şu cümleden amerikalılarnıñ, ukrayinlerge Qırımda cenkleşmemekni aytmaq büyük bir hata olğanını ayttı.
"Ukrayinler Qırımda, atta simvolik olaraq, cenkleşse edi, o (Putin - QA) Donbassqa ketmek cesaret etmez edi", — dep qayd etti Poloniya TİN başı.
Poloniya naziriniñ beyanatına Ukrayina prezidenti ofisiniñ yolbaşçısı Andriy Yermak seslendi.
"Qırım Ukrayinadır. Rusiye halqara uquqnı bozdı ve bunıñ içün cevap bermeli", — dep yazdı o Telegram kanalında.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
