Poloniya Senatı bir ağızdan rey berip RF reberligini terroristik rejim kibi tanığan qararnı qabul etti.
Muzakereler vaqtında senatorlar rusiye tecavuzınıñ emsali olmağan canavarlığına ve suçlularnıñ cezalandırılması kerekligine diqqat çekkenler.
"Bu cinayetler yalıñız gumanitar ve arbiy yardım ceetinden degil, em de uquqiy yardım ceetinden de dünya toplulığınıñ cevabını bekley", - dep qayd etti senator Aleksandr Potsey.
Senatorlar qayd ettiler ki, Rusiyeniñ tecavuzı şaraitinde Poloniya muhalefeti ve ükümeti arasında iç bir kelişamamazlıq yoqtır. Senatnıñ vitse-marşalı Mihal Kaminskiyniñ aytqanı kibi, "biz epimiz bir asır evel ve bugün Rusiye imperializmine yoq degen Poloniya vatandaşlarımız".
Keçken afta Estoniya parlamenti Rusiyeniñ siyasiy rejimini terroristik kibi tanıdı.
Ukrayina Yuqarı Radası Rusiyeni terrorist devlet, siyasiy rejimini ise neonatsist kibi tanıdı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
