Poloniya Tış işler naziri Radoslav Sikorskiy Varşava Rusiyeni Ukrayina uçucısızlarınıñ iştirakinen sahteye bayraq altında provokatsiya azırlay bile, dep tenbiledi. Bu aqta Polsat News neşiri bildire.
"Biz Rusiye NATO aza-devletine ya da özüne ücüm etmek içün Ukrayina uçucısızlarını qullanmağa planlaştıra, dep tahmin etemiz. (Putin) böyle areketlerni planlaştıra bile", – dedi Sikorskiy ABD ziyareti vaqtında.
Onıñ aytqanına köre, Rusiye prezidenti Vladimir Putin "ümütsizlikte ve yeñilgeni" içün provokatsâ yapa bile.
"Böyle rejimler er vaqıt böyle yapa, 1939 senesi Glivitsadaki provokatsiyanı hatırlayım, Abver casusları Poloniya askerleri kibi kiyinip, o vaqıttaki Reyhte radiostantsiyanı zapt etti. Vladimir Putinge şunı aytamız: planlaştırğanlarıñıznı bilemiz, bunı yapmañız", – dep qayd etti nazir.
İyulniñ başında Poloniya baş naziri Donald Tusk Poloniya ve Baltık memleketlerine qarşı Rusiyeye provokatsiyaları ceetinden "yaqın aylar kritik ola bile, dep ayttı.
Bu künleri Radoslav Sikorskiy bildirdi ki, "Rusiyeniñ Poloniyağa ücüm etmek içün yeterli arbiy imkânları şimdilik yoq", Rusiye prezidenti Vladimir Putin ise Ukrayinağa qarşı cenkte "yeñile".