Finlândiya ve Baltiya memleketlerinden soñ Poloniya akimiyeti bazar künü, sentâbrniñ 17-nden itibaren Rusiye nomeralı maşinalarnıñ memleketke kirişini yasaqlaycaq, dep qayd etti Poloniya iç işler naziri Mariuş Kaminskiy Twitterde.
«Bu yıl sentâbrniñ 8-nde Avropa Komissiyasınıñ Rusiyede qayd etilgen arabalarnıñ Avropa Birligine kiriş yasağı derc etilgen soñ bu yasaq Poloniya sıñırında da yarından başlap olacaq ve bugün gece işke tüşürildi», – dep bildirdi Kaminskiy.
Kaminskiy bildirgenine köre, sentâbrniñ 17-nden başlap Rusiyede qayd etilgen iç bir yengil maşina Poloniya devletiniñ sıñırından kirip olamaz.
Kiriş yasağı Avropa Birligi vatandaşlarına ve yaqın çevre insanları, diplomatik missiya hadimleri ya da Finlândiyağa gumanitar missiyanen kelgen insanlarğa tesir etmey.
Poloniya Rusiye yengil maşinalarınıñ kirişini yasaqlağan Avropa Birliginiñ beşinci memleketi oldı. Daa evel bunı Finlândiya ve Baltiya memleketleri yaptı: Latviya, Estoniya ve Litvaniya. Vilnüs Kaliningradqa ya da Kaliningraddan kelgen maşinalar içün istisna yaptı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
