Link açıqlığı

Saatnıñ esas haberi

Poloniya Qırım işğaliniñ yıllığında Ukraina topraq bütünligine qoltuttı


Poloniyanıñ Ukraina elçihanesi Rusiyeniñ Qırım işğaliniñ beşinci yılında Ukraina topraq bütünligine qoltuttı.

«Poloniya ve poloniyalılar Ukrainanı ve işğal altındaki Qırımda qalğan vatandaşlarını unutmadı. Ukraina topraq bütünliginiñ ğayrıdan tiklenmesinen bağlı areketlerde toqtamaycaqmız. Devlet sıñırlarını küçnen deñiştirilüviniñ qanunlaştırılmasına yol bermeycekmiz. Qırım – Ukrainadır», – dep aytıla Poloniyanıñ Kyiv diplomatik temsilciliginiñ haberinde.

2014 senesi martnıñ 16-nda Qırım ve Aqyarda yarımada statusınen bağlı dünyada tanılmağan «referendum» olıp keçti, onıñ neticesinde Rusiye Qırımnı öz terkibine aldı. Ukraina, Avropa Birligi, ABD «referendumdaki» rey neticelerini tanımadı. Rusiye prezidenti Vladimir Putin martnıñ 18-nde Qırımnıñ Rusiyege «qoşulğanını» ilân etti.

Halqara teşkilâtlar, Qırımnıñ işğali ve ilhaqını qanunsız tanıp, Rusiyeniñ areketlerini takbih ettiler. Ğarp devletleri bir sıra iqtisadiy sanktsiyalarnı qullandı. Rusiye, yarımadanı işğal etkenini inkâr etip, buña «tarihiy adaletniñ tiklenmesi», dey. Ukrainanıñ Yuqarı Radası 2014 senesi fevralniñ 20-ni, Rusiye tarafından Qırım ve Aqyarnıñ muvaqqat işğali başlağan künü olaraq resmen ilân etti.

XS
SM
MD
LG