Ukrayina Fevqulâde vaziyet devlet hızmeti Pokrovskataki beş qatlı mesken evde qurtaruv işleri yekünlengenini bildirdi.
"İlk malümatqa köre, yedi insan elâk oldı, şu cümleden Fevqulâde vaziyet hızmetiniñ hadimi, ve daa 82 kişi yaralandı", - dep haber ettiler hızmette.
Avgustnıñ 7-nde Rusiye ordusı Donetsk vilâyetiniñ Pokrovsk şeerindeki mesken evge eki raketanen ücüm etti. Baş prokuror ofisi Rusiye ordusı Polkrovskqa "İskander" ile ücüm etkeni tahmin ete.
Rusiye arbiyleri Ukrayina şeerlerine muntazam şekilde ateş ete. Delillerge baqmadan, Rusiye Ukrayinada vatandaşlarğa ve arbiylerge qarşı cinayetlerde mesüliyetini inkâr ete.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
