Ukrayına arbiyleri qarşı ücümni başlattı, dep bildirdi Ukrayına prezidentiniñ ofis yolbaşçısınıñ mesleatçısı Mıhaylo Podolâk RAI İtaliya telekanalına bergen intervyüsında.
«Qarşı ücüm bir qaç künden berli devam ete», – dep bildire memurnıñ aytqanlarını kanal. Podolâk qayd etkenine köre, cebe 1,5 biñ kilometrge uzadı, amma «ayrı operatsiyalar endi başlandı».
Prezident ofisiniñ yolbaşçı mesleatçısı Ukrayına ortaqları bergen silânı Rusiyege qarşı qullanmaycaq, onı tek «Rusiye işğal etken topraqlarda, Qırım ve Donbasta qullanacaq», dep bildirdi.
Soñki aftaları Ukrayınanıñ qarşı ücümi aqqında daa çoq aytalar. Vaqtı ve yeri aqqında bir şey belli degil. Bazıları Kyivniñ maqsadı Donbas, digerleri ise Qırım ola, dep aytalar.
Ukrayına Mudafaa nazirliginiñ Baş istihbarat idaresiniñ yolbaşçısı Kırılo Budanov «Farqlı insanlar» YouTube kanalına intervyü berip, Qırımnıñ işğalden azat etilüvi diger Ukrayına topraqlarınıñ azat etilüvine oşaycaq, Rusiye tarafdarları ise yarımadanı terk etecek.
Qırımnıñ Rusiye yolbaşçısı Sergey Aksenov fortifikatsiya ve mudafaa sayesinde yarımadanı işğalden azat etip olamaz, dep bildirgen edi.
Ukrayina istihbaratınıñ temsilcisi Andriy Yusov Qırımda Rusiye memuriyetiniñ temsilcileri Qırımnı terk ete, dep bildirdi.
Mayısnıñ 10-nda Azatlıq Radiosınıñ leyhası olğan Qırım.Aqiqat jurnalistleri 2014 senesi Rusiye tarafından işğal etilgen Qırım yarımadasınıñ Rusiye Federatsiyasınıñ 223 çalışqan, muvaffaq ve qapalı arbiy obyektleriniñ haritasını derc etti.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
