Ukrayina ordusı Rusiye ordusı zayıflaşıp ve ücüm qabiliyetini ğayıp etip başlağanda, Ukrayina ise yeterli qadar quvet toplağanda Ukrayinanıñ Rusiye tarafından zapt etilgen cenübiy topraqlarını işğalden azat etip başlaycaq. Bunı Ukrayin Prezidenti ofisiniñ resiniñ mesleatçısı Mıhaylo Podolâk bildirdi.
"Rusiye zayıflaşqan ve ücüm etmek qabiliyetini ğayıp etkende, Ukrayina ise yeterli qadar quvet toplağanda memleketimizniñ cenübi mıtlaqa azat etilecek. Bu bir kün ya da bir qaç ay meselesi degil, amma bir yıl meselesi de degil. Ukrayina bayrağı kene Herson üzerinde yelpireycek. Yarın degil, amma er kesniñ tasafur ete bileceginden tez", - dep yazdı o Telegram kanalında.
Mayısnıñ 25-nde Rusiye prezidenti Vladimir Putin Ukrayinanıñ Zaporijjâ ve Herson vilâyetleriniñ sakinlerine Rusiye vatandaşlığınıñ berilmesiniñ sedeleştirilgen protsedurası aqqında ferman imzalağan edi.
Mayın 25-də Rusiya prezidenti Vladimir Putinin Ukraynanın Zaporojye və Xerson vilayətlərinin sakinlərinə Rusiya vətəndaşlığının verilməsinin sadələşdirilmiş proseduru haqqında fərman imzaladığı bildirilib.
Rusiye fevralniñ 24-nde Ukrainağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrainadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrainanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrainanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
