Ukrayina deñiz flotunıñ spikeri Dmıtro Pletençuk rusiye turistlerini Qırımdan ketmege çağırdı, çünki yarımadada "kimse yalıñız qaldırmaycaq" pek çoq arbiy obyekt bar.
"Köpürniñ er bir qapatıluvından soñ kiriş yoluna arabalarnıñ nevbetini körmek mümkün. Şunıñ içün, birinciden, er kes añlamadı, dep aytmaq mümkün. Ekinciden, qayd etmek kerek ki, Qırımda bu saa çoqusı allarda bücet hadimleriniñ esabına yaşay, olarğa bu seyaatlarnı şirket ya da bücet satın ala. Şunıñ içün olar Qırımnı memuriy-komand usulınen turistlernen tolduralar", – dep qayd etti o ukrayin milliy tele marafonı efirinde.
Keriç köprüne Rusiye tarafından nevbet 1130 maşnağa yetti, dep haber etilgen edi. Aynı zamanda Rusiye turistik sanayısı birligi iyünniñ 23-nde Ukrayina ücüminden soñ Qırımğa turlarnıñ lâğu etilmesi artqanını qayd etti.
Rusiye arbiyleri dey ki, Aqyarda ukrayin quvetleri amerikalı ATACMS raketasını ateşledi. Rusiye Mudafaa nazirliginiñ qayd etkenine köre, "ava mudafaasınıñ tesiri" neticesinde raketa kursundan çıqtı ve onıñ parçaları, hususan, plâjda tüşti.
Rusiye akimiyeti, tüşken parçalar neticesinde dört insan elâk oldı, şu cümleden eki bala, 151 kişi yaralandı, dep bildirdi.
Ukrayina Arbiy-deñiz quvetleriniñ spikeri Dmıtro Pletentçuk, ücümni izaatlap, Ukrayina Silâlı quvetleri ealige ya da grajdan infrastrukturasına ücüm etmek içün silâ qullanmay, dep bildirdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
